शुभ दिपावली २०२० शुभ दिपावली २०२०
शुभ दिपावली २०२०प्रकाशाचा उत्सव दीपोत्सव ,
इवल्या इवल्या अगणित ज्योतींनी धरा नटलेली .
असंख्य दीपांच्या सोनसळी रंगात धरित्री सजलेली ...
पहाटेचा उबदार गारवा ,दवबिंदुचा सुगंध ,...
स्पर्श ,सारंच कास मनाला मोहुन टाकणारं ...
रस रूप गंध स्पर्शांनी पुलकित असलेली ..
आकाशाची हि न्यारीच तऱ्हा ...
अमावास्येच्या रात्री अगणित असंख्य
लुकलुकण्याऱ्या ताऱ्यांनी
आकाश सजलेलं निखारलेलं.....
अमावास्येच्या रात्री चंद्रमा नाही ...
काळ्याभोर गगनांत एकेका ताऱ्याला
प्रकाशण्याची संधी. लुकलुकण्याची संधी ....
तिमिराला मागे सारून उजळण्याची संधी ...
धरित्रीच्या चैतन्याने ...
ज्योतींनी आसमंत उजळला कि ..
आकाशगर्भांतुन धरा धरित्रीचं ...
तेजोवलयातं गुरफटलेली ...
सृष्टीची अलगद पावलं ...
लक्ष्मीची पावलं आपल्या घरी दारी येऊ देतं ...
सुख संपत्ती आरोग्य संपदा आपल्याला लाभू देतं ...
मनातला अंधार दुर होऊ दे ..
प्रकाशानं सारं जिवन उजळू दे ...
तमसो मा ज्योतिर्गमय ...
शुभ दीपावली २०२०...
शुभकामना लेखांकन ... adv अर्चना गोन्नाडेhttps://kittydiaries.com/
No comments:
Post a Comment